एक उदास आठवडा!

बरेच दिवस झाले काहीही लिहायला जमलेलं नाही. एका वेगळ्याच तणावाखाली आहे सध्या मी! नुकताच आजारातुनपण ऊठलो आहे नि ऑफिसमध्ये सुद्धा सध्या काही प्रॉब्लेम्स चालु आहेत. वाटतय लय भाकऱ्या खाल्ल्या ह्या कंपनीच्या! अजुन ह्यावर्षीचं ’इन्क्रिमेंट’पण नाही झालं! आणि ते होणार नाहीये ही आतल्या गोटातली बातमी आता आतल्या गोटात राहीलेली नाही!त्यातल्या त्यात नशिब हेच की अजुन कुणाला काढलेल नाहीए. बघुया काय होतय ते!
त्यात ह्या आजरपणामुळे पक्का ’विकनेस’ आला आहे. पाच दिवस नाही गेलो नव्हतो ऑफिसात! तरी अजुनही वैद्यबुवांनी ’शय्या आराम’ करायला सांगितला आहे. त्यांना सांगायला काय जातय. इथे पाच दिवस नाही गेलो तर फोन करुन काय वैताग आणला ते माझं मला माहिती! त्यात माझा एमिजिएट बॉसपण नेमका माझ्याबरोबरच आजारी पडून सुट्टीवर गेला आणि तो हॉस्पिटलमध्ये असल्यामुळे सगळ्यांचे फोन मला घेणं भाग होतं! कधी कधी वाटत होतं, ऊगाच आलो ह्या सेवा क्षेत्रात!

खरचं जास्त वेळ बसला की कंटाळा येतोय अजुनही! तीन दिवस झालेयेत कार्यालयात जायला सुरुवात केली त्याला! आणि मागच्या तीन दिवसांपासुन एकच काम करतोय! एक साईट डिप्लॉय करतोय पण IIS 7 आणि Windows Server 2008 Data Center मध्ये ती अजिबातच काम करत नाहीये! आणि तीच साईट IIS 6 आणि Windows Server 2003 मध्ये मस्त चालतेय! कुठेतरी काहीतरी मिस होतय! डोक्याचा भुगा झालाय नुसता! शिवाय ह्या कामानंतर मागच्या पाच दिवसांचा बॅकलॉगसुद्धा भरुन काढायचा आहे! खुप खुप काम आहे!

आणि जॉब स्विचसाठी आतातरी अभ्यासाला सुरुवात करावी असं वाटतय! कुठल्याही परीस्थितीत ही कंपनी सोडण्याचा विचार बळावत चाललेला आहे! एकंदरीत ऑगस्ट त्रासात जाणारेय असं चित्र सध्यातरी दिसतयं! बघु ह्या त्रासातुन कधी बाहेर पडतो ते!